फोर्स गाडी दुर्घटना हुँदा वडा अध्यक्ष सहित ५ जनाको मृत्युु , ३ घाइते

रामेछाप । जिल्लाको गोकुलगंगा गा.पा. वडा नं. ६ सिमलडांडा भीरमा फोर्स गाडी दुर्घटना भएको छ । दुर्घटना परि ५ जनाको मृत्यु भएको छ । मृत्यु हुनेमा रामेछाप जिल्ला गोकुलगंगा गाउपालिका वडा नं. ४ का वडाध्यक्ष रामचन्द्र बस्नेत , सोही गाउँपालिका वडा नं. ५ की कविता कार्की, कविता कार्कीको ७ बर्षकि छोरी स्वस्तिका खड्का, मन्थली न.पा. वडा नं. १० चिसापानीका (चालक) हिरा बहादुर कार्की रहेका छन् भने १ जनाको सनाखत हुन बाकी रहेको छ । घाईते हुनेहरुमा कास्की जिल्ला लेखनाथ नगरपालिका घर भएका केशव शर्मा, गोकुलगंगा गा. पा. ४ बेताली बस्ने सरस्वती कार्की र परिचय खुल्न नसकेका अन्दाजी ४ बर्षका एक बालक रहेका जिल्ला प्रहरी कार्यालय रामेछापले जानकारी दिएको छ । काठमाडौ बाट बेताली जादै गरेको ना १ ज ७१२३ नं. को फोर्स गाडी अनियन्त्रित भई सडक बाट अन्दाजी ३०० मिटर तल खसि दुर्घटना भएको हो । आज मंसिर १४ गते दिउसो १३:५० बजेको समयमा दुर्घटना भएको छ । घाइतेको मन्थली अस्पतालमा उपचार भैइरहेको जिल्ला प्रहरी कार्यालय रामेछापले जनाएको छ ।