२४ घण्टै जनताको सम्पर्कमा रहन्छु: अर्थ मन्त्री काफ्ले
रामेछाप । आर्थिक मामिला तथा योजना मन्त्रालय बागमती प्रदेशको आयोजनामा रामेछापको मन्थलीमा संचालन भएको राजस्व बाँडफाँड तथा अन्तर सरकारी वित्तीय हस्तान्तरण सम्बन्धी स्थानीय तहसँगको अन्तरक्रिया कार्यक्रममा आर्थिक मामिला मन्त्री कुन्दन काफ्लेले नागरिक चाहना, आवश्यक र माग अनुरूप काम गरेर सरकारको सबै निकायले नागरिकलाई राज्य अनुभूति हुनेगरी काम गर्नुपर्ने बताए।
मन्त्री काफ्लेले जनतालाई उत्पादनसँग जोड्न सके मात्र समृद्धिको लक्ष्य हासिल हुनसक्ने बताए । उनले आफू २४ घण्टै जनताको सम्पर्क रहने र जनताकै सल्लाह सुझावका आधारमा काम गर्ने बताए।
कुनैपनि योजनाको स्थलगत अध्ययन तथा दूरगामी प्रभावका विषयमा अध्ययन बिना बजेट नहाल्ने पनि उनले बताए ।
