विशेषज्ञसहितको सेवामा १ सय ४५ जनाले लिए सेवा

रामेछाप ।रामेछाप अस्पतालमा आइतबार भएको विशेषज्ञ चिकित्सक सहितको सेवा प्रवाहमा १ सय ४५ जनाले सेवा लिए । मुटु रोग विशेषज्ञ,स्त्री रोग विशेषज्ञ,नाक कान तथा घाँटी रोग विशेषज्ञले सेवा दिएका हुन ।
मुटु रोगका ६० जना,स्त्री रोगका ३५ जना र नाक कान तथा घाँटी रोगका ५० जना बिरामीले सेवा लिएको अस्पतालका निमित्त मेडिकल सुपरिटेन्डेन्ट डा. केशव श्रेष्ठले बताए ।
हरेक महिनाको १ दिन विशेषज्ञ चिकित्सकले सेवा दिने उद्देश्य अन्तर्गत विशेषज्ञ चिकित्सकबाट सेवा प्रवाह भएको अस्पतालका निमित्त मेसु डा. श्रेष्ठले बताए ।
अस्पतालमा विशेषज्ञ÷विशिष्टिकृत सेवा विस्तार गर्न हरेक महिनाको १ दिन विशेषज्ञ चिकित्सक सहितको ओ.पि.डी सेवा संचालन भैरहेको उनले बताए । बिरामीको सहजताको लागि अस्पतालले हरेक महिना विशेषज्ञ÷विशिष्टिकृत सेवा विस्तार गरेको र धेरै बिरामीहरुलाई सेवा लिन उनले अनुरोध गरे ।
विर अस्पतालमा कार्यरत मुटु रोग विशेषज्ञ डा. कुन्जन शेर्पा,नेपाल मेडिकल कलेज जोरपाटीमा कार्यरत स्त्री रोग विशेषज्ञ डा. रश्मी वास्ताकोटी र नेपाल मेडिकल कलेज जोरपाटीमा कार्यरत नाक कान तथा घाँटी रोग विशेषज्ञ डा. सुमेध मिश्रले बिरामीलाइ सेवा दिनुभएको थियो ।
यहि पौष २४ गते बुधबार पेट,आन्द्रा तथा कजेलजो रोग विशेषज्ञ र मानसिक तथा नशा रोग विशेषज्ञले सेवा दिएका दिएका थिए ।