शिक्षकको नाफा ४ लाख
रामेछाप । शिक्षक परोपकार बचत तथा ऋण सहकारी संस्थाले गत आर्थिक वर्ष २०७९ /८० मा ४ लाख १ हजार ८ सय ८५ रुपैयाँ नाफा कमाएको छ ।
शनिवार मन्थलीमा सम्पन्न संस्थाको बाह्रौ साधारण सभाका अवसरमा कोषाध्यक्ष रामकुमार सुबेदीले आर्थिक प्रतिवेदन पेश गर्दै नाफा बारे जानकारी गराए । उनले गत आर्थिक वर्षमा १० लाख ८२ हजार ३ सय २३ रुपैयाँ बराबरको आम्दानी र खर्चको विवरण समेत प्रस्तुत गरे ।
सचिव कमला थापाले गत आर्थिक वर्षमा ४ सय १६ जना शिक्षक शेयर सदस्य रहेको मा आगामी वर्ष ५ सय शेयर सदस्य बनाउने लक्ष रहेको बताइन् ।
अध्यक्ष लक्षण कुमार घिमिरेको अध्यक्षतामा सम्पन्न उक्त साधारण सभाको उद्घाटन रामेछाप जिल्ला बचत तथा ऋण सहकारी संस्थाका अध्यक्ष जगन्नाथ दाहाल ले गरेका थिए ।
